လေထီးဦးကျော်ရင် (၁၉၁၆-၁၉၆၆)

မွေးသက္ကရာဇ်                ၁၉၁၆ ခု၊ ဒီဇင်ဘာလ ၇ ရက်

အမည်ရင်း                    ဦးကျော်ရင်

မိဘအမည်                   ဦးဖိုးဦး + ဒေါ်မြရင်

နိုင်ငံသား                     မြန်မာနိင်ငံသား

လူမျိုး                          ရခိုင်

ကိုးကွယ်သည့်ဘာသာ     ဗုဒ္ဓဘာသာ

မွေးဖွားရာဒေသ             ရခိုင်ပြည်နယ်၊ သံတွဲမြို့
   
အလုပ်အကိုင်               ပါမောက္ခချုပ်

ကြင်ဖော်                     ဒေါ်ဖြူဖြူ

သားသမီး                    ၂-ဦး

ထင်ပေါ်ကျော်ကြားမှု      လေထီဖြင့်မြန်မာမြေပေါ်သို့ခုန်ဆင်းဖူး

ကွယ်လွန်ရက်              ၁၉၆၆ ခု၊ မတ်လ ၃ဝ ရက်

လေထီး ဦးကျော်ရင် (အေဒီ၁၉၁၆ – ၁၉၆၆)၁၉၁၆ ခု၊ ဒီဇင်ဘာလ ၇ ရက်တွင် အဖ ဦးဖိုးဦး၊ အမိ ဒေါ်မြရင် တို့က ရခိုင်ပြည်နယ် ။ သံတွဲမြို့၌ မွေးဖွားခဲ့သည်။ တဦးတည်းသော သားဖြစ်သည်။ သံတွဲ အေဘီအမ် ကျောင်း၊ အစိုးရ အထက်တန်းကျောင်း၊ ရန်ကုန်တက္ကသိုလ်တို့တွင် ပညာသင်ကြားခဲ့သည်။ ၁၉၅ဝတွင် ဝိဇ္ဇာ စာမေးပွဲ အောင်ခဲ့သည်။

ဒုတိယ ကမ္ဘာစစ်အတွင်း မန်းဝင်းမောင် (နောင် သမ္မတကြီး ဖြစ်လာခဲ့သူ)၊ ဦးအုန်းမောင်(လေထီး) တို့နှင့် အတူ အိန္ဒိယသို့ခြေကျင် သွားရောက်၍ ဖက်ဆစ် တော်လှန်ရေးအတွက် ကြိုးပမ်း ဆောင်ရွက်ခဲ့ပြီး၊ ဖက်ဆစ် တော်လှန်ရေးကာလတွင် မြန်မာပြည်တွင်းသို့  လေထီးဖြင့် ခုန်ဆင်းကာပါဝင် ဆင်နွှဲခဲ့သည်။

စစ်ပြီးစ မန္တလေး မတပလ ဖွဲ့စည်းရေး အတွက် ဦးဆောင် ပါဝင်ခဲ့သည်။ ရန်ကုန် တက္ကသိုလ် သမဂ္ဂ အမှု ဆောင်၊ဗမာပြည် ကွန်မြူနစ်ပါတီ ဗဟိုကော်မတီဝင် (၁၉၄၅)၊ ဖဆပလ ဗဟိုဦးစီး အဖွဲ့ဝင်(၁၉၄၆)တို့အဖြစ် နိုင်ငံရေး တာဝန်များကို ထမ်းဆောင်ခဲ့သည်။

ရန်ကုန် တက္ကသိုလ် မြန်မာစာ ဌာန ကထိက (၁၉၅ဝ – ၁၉၆၃)၊ ပဲခူးဆောင် အဆောင်မှူး၊ မော်စကို တက္က သိုလ် မြန်မာစာ ဧည့်ပါမောက္ခ (၁၉၆၃ – ၆၅)၊ ရန်ကုန်တက္ကသိုလ် အုပ်ချုပ်ရေးမှူး၊ တက္ကသိုလ်များ အုပ်ချုပ် ရေးအဖွဲ့ ဒုတိယ ညွှန်ကြားရေးမှူး၊ မန္ဈလေး ဝိဇ္ဇာသိပ္ပံ တက္ကသိုလ် ပါမောက္ခချုပ် (၁၉၆၅ နိုဝင်ဘာ – ၁၉၆၆ မတ်) အဖြစ် ဆောင်ရွက်ခဲ့သည်။

၁၉၆၅ (မြန်မာ သက္ကရာဇ် ၁၃၂၇) ခု၊ မန္တလေး ဓမ္မဗိမာန် စာဆိုတော်နေ့ အခမ်းအနားတွင်သဘာပတိအဖြစ် ဆောင်ရွက်ရင်း၊ “ဆင်သွားရင် လမ်းဖြစ်တယ်” ဟု ဆိုကာ စကားပြောဟန်ဖြင့် စာရေးနည်းသစ်ကို ထောက် ခံခဲ့သည်။

ဘာသာရပ်ဆိုင်ရာ ပါမောက္ခများနှင့် တိုင်ပင်ကာ မန္တလေး တက္ကသိုလ်တွင် သမိုင်းနှင့် မြန်မာစာ ပါရဂူဘွဲ့ သင်တန်းများ ဖွင့်လှစ်နိုင်ရန် ကြိုးပမ်းဆဲ ရန်ကုန် ပညာရေး သုတေသန ဆွေးနွေးပွဲကို တက်ရောက်နေခိုက် ၁၉၆၆ ခု၊ မတ်လ ၃ဝ ရက်တွင် ကွယ်လွန်ခဲ့သည်။ ကွယ်လွန်ချိန်တွင် ဇနီး ဒေါ်ဖြူဖြူနှင့် သားသမီး ၂ ယောက် ကျန်ရစ်ခဲ့သည်။

ပါမောက္ခ ဦးကျော်ရင်သည် ‘နယ်ချဲ့စစ်မှ လူထုစစ်သို့’ (၁၉၄၆) ဘာသာပြန် စာအုပ်နှင့် ‘သာသနာတဝက် ငရဲခန်း’၊ ‘ဝိသာခါလေ မယ်ခါလော’ နှင့် ‘မိဘဂုဏော အနန္တော’ ပြဇာတ်များတို့ကို ရေးသားခဲ့ပြီး၊ ‘ရခိုင်မင်း သမီး ဧချင်း’ နှင့် ‘နေမိငရဲခန်းပျို့’ တို့ကို တည်းဖြတ်ခဲ့သည်။

ကိုးကား

ဖက်ဆစ်တော်လှန်ရေးနှင့် လွတ်လပ်ရေး တိုက်ပွဲများတွင် လေထီး တပ်သား တဦးအဖြစ် စွန့်လွတ်စွန့်စား ပါဝင် ဆောင်ရွက်ခဲ့သူ မန္ဈလေး ဝိဇ္ဇာသိပ္ပံ တက္ကသိုလ် ပါမောက္ခချုပ်ဟောင်း “လေထီး ဦးကျော်ရင် (အေဒီ ၁၉၁၆ – ၁၉၆၆)” အကြောင်းကို The Dream Crystals Publishing House က ၁၉၉၉ ခုနှစ်မှာ ထုတ်ဝေ ဖြန့်ချိခဲ့တဲ့ နေထွတ်ရဲ့ ‘မန္တလေး အဘိဓာန်’ ကနေ ပြန်လည် ကူးယူဖော်ပြတာ ဖြစ်ပါတယ်။

www.မူလဖော်ပြထားသောစာမျက်နှာ.com